Chapter 1
Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 |
א וידבר יהוה, אל-משה לאמור.
ב דבר אל-בני ישראל, ואמרת אליהם: איש או-אישה, כי יפליא לנדור נדר נזיר--להזיר, ליהוה.
ג מיין ושיכר יזיר, חומץ יין וחומץ שיכר לא ישתה; וכל-משרת ענבים לא ישתה, וענבים לחים ויבשים לא יאכל.
ד כול, ימי נזרו: מכול אשר ייעשה מגפן היין, מחרצנים ועד-זג--לא יאכל.
ה כל-ימי נדר נזרו, תער לא-יעבור על-ראשו: עד-מלאות הימים אשר-יזיר ליהוה, קדוש יהיה--גדל פרע, שיער ראשו.
ו כל-ימי הזירו, ליהוה, על-נפש מת, לא יבוא.
ז לאביו ולאימו, לאחיו ולאחותו--לא-ייטמא להם, במותם: כי נזר אלוהיו, על-ראשו.
ח כול, ימי נזרו, קדוש הוא, ליהוה.
ט וכי-ימות מת עליו בפתע פתאום, וטימא ראש נזרו--וגילח ראשו ביום טוהרתו, ביום השביעי יגלחנו.
י וביום השמיני, יביא שתי תורים, או שני, בני יונה: אל-הכוהן--אל-פתח, אוהל מועד.
יא ועשה הכוהן, אחד לחטאת ואחד לעולה, וכיפר עליו, מאשר חטא על-הנפש; וקידש את-ראשו, ביום ההוא.
יב והזיר ליהוה את-ימי נזרו, והביא כבש בן-שנתו לאשם; והימים הראשונים ייפלו, כי טמא נזרו.
יג וזאת תורת, הנזיר: ביום, מלאות ימי נזרו, יביא אותו, אל-פתח אוהל מועד.
יד והקריב את-קרבנו ליהוה כבש בן-שנתו תמים אחד, לעולה, וכבשה אחת בת-שנתה תמימה, לחטאת; ואיל-אחד תמים, לשלמים.
טו וסל מצות, סולת חלות בלולות בשמן, ורקיקי מצות, משוחים בשמן; ומנחתם, ונסכיהם.
טז והקריב הכוהן, לפני יהוה; ועשה את-חטאתו, ואת-עולתו.
יז ואת-האיל יעשה זבח שלמים, ליהוה, על, סל המצות; ועשה, הכוהן, את-מנחתו, ואת-נסכו.
יח וגילח הנזיר, פתח אוהל מועד--את-ראש נזרו; ולקח, את-שיער ראש נזרו, ונתן על-האש, אשר-תחת זבח השלמים.
יט ולקח הכוהן את-הזרוע בשלה, מן-האיל, וחלת מצה אחת מן-הסל, ורקיק מצה אחד; ונתן על-כפי הנזיר, אחר התגלחו את-נזרו.
כ והניף אותם הכוהן תנופה, לפני יהוה--קודש הוא לכוהן, על חזה התנופה ועל שוק התרומה; ואחר ישתה הנזיר, יין.
כא זאת תורת הנזיר, אשר יידור, קרבנו ליהוה על-נזרו, מלבד אשר-תשיג ידו; כפי נדרו, אשר יידור--כן יעשה, על תורת נזרו. {פ}
כב וידבר יהוה, אל-משה לאמור. כג דבר אל-אהרון ואל-בניו לאמור, כה תברכו את-בני ישראל: אמור, להם. {ס} כד יברכך יהוה, וישמרך. {ס} כה יאר יהוה פניו אליך, ויחונך. {ס} כו יישא יהוה פניו אליך, וישם לך שלום. {ס} כז ושמו את-שמי, על-בני ישראל; ואני, אברכם. |
Sabtu, 21 Maret 2015
Hebrew Bible / Numbers / Chapter 6
Langganan:
Posting Komentar (Atom)
Tidak ada komentar:
Posting Komentar