Chapter 1
Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 |
א אז ישיר-משה ובני ישראל את-השירה הזאת, ליהוה, ויאמרו, {ר}
לאמור: {ס} אשירה ליהוה כי-גאה גאה, {ס} סוס {ר} ורוכבו רמה בים. {ס} ב עוזי וזמרת יה, ויהי-לי {ר} לישועה; {ס} זה אלי ואנווהו, {ס} אלוהי {ר} אבי וארוממנהו. {ס} ג יהוה, איש מלחמה; יהוה, {ר} שמו. {ס} ד מרכבות פרעה וחילו, ירה בים; {ס} ומבחר {ר} שלישיו, טובעו בים-סוף. {ס} ה תהומות, יכסיומו; ירדו במצולות, כמו- {ר} אבן. {ס} ו ימינך יהוה, נאדרי בכוח; {ס} ימינך {ר} יהוה, תרעץ אויב. {ס} ז וברוב גאונך, תהרוס {ר} קמיך; {ס} תשלח, חרונך--יאכלמו, כקש. {ס} ח וברוח {ר} אפיך נערמו מים, {ס} ניצבו כמו-נד {ר} נוזלים; {ס} קפאו תהומות, בלב-ים. {ס} ט אמר {ר} אויב ארדוף אשיג, {ס} אחלק שלל; תמלאמו {ר} נפשי-- {ס} אריק חרבי, תורישמו ידי. {ס} י נשפת {ר} ברוחך, כיסמו ים; {ס} צללו, כעופרת, במים, {ר} אדירים. {ס} יא מי-כמוך באלים יהוה, {ס} מי {ר} כמוך נאדר בקודש; {ס} נורא תהילות, עושה {ר} פלא. {ס} יב נטית, ימינך--תבלעמו, ארץ. {ס} יג נחית {ר} בחסדך, עם-זו גאלת; {ס} ניהלת בעוזך, אל-נווה {ר} קודשך. {ס} יד שמעו עמים, ירגזון; {ס} חיל {ר} אחז, יושבי פלשת. {ס} טו אז נבהלו, אלופי {ר} אדום-- {ס} אילי מואב, יאחזמו רעד; {ס} נמוגו, {ר} כול יושבי כנען. {ס} טז תיפול עליהם אימתה {ר} ופחד, {ס} בגדול זרועך יידמו כאבן: {ס} עד- {ר} יעבור עמך יהוה, {ס} עד-יעבור עם-זו {ר} קנית. {ס} יז תביאמו, ותיטעמו בהר נחלתך-- {ס} מכון {ר} לשבתך פעלת, יהוה; {ס} מיקדש, אדוניי כוננו {ר} ידיך. {ס} יח יהוה ימלוך, לעולם ועד. {ס} יט כי {ר} בא סוס פרעה ברכבו ובפרשיו, בים, {ס} וישב יהוה עליהם, {ר} את-מי הים; {ס} ובני ישראל הלכו ביבשה, בתוך הים. {ר} {ש} כ ותיקח מרים הנביאה אחות אהרון, את-התוף--בידה; ותצאנה כל-הנשים אחריה, בתופים ובמחולות. כא ותען להם, מרים: שירו ליהוה כי-גאה גאה, סוס ורוכבו רמה בים. {ס} כב ויסע משה את-ישראל מים-סוף, וייצאו אל-מדבר-שור; וילכו שלושת-ימים במדבר, ולא-מצאו מים. כג ויבואו מרתה--ולא יכלו לשתות מים ממרה, כי מרים הם; על-כן קרא-שמה, מרה. כד ויילונו העם על-משה לאמור, מה-נשתה. כה ויצעק אל-יהוה, ויורהו יהוה עץ, וישלך אל-המים, וימתקו המים; שם שם לו חוק ומשפט, ושם ניסהו. כו ויאמר אם-שמוע תשמע לקול יהוה אלוהיך, והישר בעיניו תעשה, והאזנת למצוותיו, ושמרת כל-חוקיו--כל-המחלה אשר-שמתי במצריים, לא-אשים עליך, כי אני יהוה, רופאך. {ס} כז ויבואו אילימה--ושם שתים עשרה עינות מים, ושבעים תמרים; ויחנו-שם, על-המים |
Jumat, 20 Maret 2015
Hebrew Bible / Exodus / Chapter 15
Langganan:
Posting Komentar (Atom)
Tidak ada komentar:
Posting Komentar