Sabtu, 21 Maret 2015

Hebrew Bible / Deuteronomy / Chapter 24

א כי-ייקח איש אישה, ובעלה; והיה אם-לא תמצא-חן בעיניו, כי-מצא בה ערוות דבר--וכתב לה ספר כריתות ונתן בידה, ושילחה מביתו.  ב ויצאה, מביתו; והלכה, והייתה לאיש-אחר.  ג ושנאה, האיש האחרון, וכתב לה ספר כריתות ונתן בידה, ושילחה מביתו; או כי ימות האיש האחרון, אשר-לקחה לו לאישה.  ד לא-יוכל בעלה הראשון אשר-שילחה לשוב לקחתה להיות לו לאישה, אחרי אשר הוטמאה--כי-תועבה היא, לפני יהוה; ולא תחטיא, את-הארץ, אשר יהוה אלוהיך, נותן לך נחלה.  {ס}
ה כי-ייקח איש, אישה חדשה--לא ייצא בצבא, ולא-יעבור עליו לכל-דבר:  נקי יהיה לביתו, שנה אחת, ושימח, את-אשתו אשר-לקח.  ו לא-יחבול ריחיים, ורכב:  כי-נפש, הוא חובל.  {ס}
ז כי-יימצא איש, גונב נפש מאחיו מבני ישראל, והתעמר-בו, ומכרו--ומת הגנב ההוא, וביערת הרע מקרבך.  {ס}
ח הישמר בנגע-הצרעת לשמור מאוד, ולעשות:  ככול אשר-יורו אתכם הכוהנים הלויים, כאשר ציוויתים--תשמרו לעשות.  ט זכור, את אשר-עשה יהוה אלוהיך למרים, בדרך, בצאתכם ממצריים.  {ס}
י כי-תשה בריעך, משאת מאומה--לא-תבוא אל-ביתו, לעבוט עבוטו.  יא בחוץ, תעמוד; והאיש, אשר אתה נושה בו, יוציא אליך את-העבוט, החוצה.  יב ואם-איש עני, הוא--לא תשכב, בעבוטו.  יג השב תשיב לו את-העבוט כבוא השמש, ושכב בשלמתו ובירכך; ולך תהיה צדקה, לפני יהוה אלוהיך.  {ס}
יד לא-תעשוק שכיר, עני ואביון, מאחיך, או מגרך אשר בארצך בשעריך.  טו ביומו תיתן שכרו ולא-תבוא עליו השמש, כי עני הוא, ואליו, הוא נושא את-נפשו; ולא-יקרא עליך אל-יהוה, והיה בך חטא.  {ס}
טז לא-יומתו אבות על-בנים, ובנים לא-יומתו על-אבות:  איש בחטאו, יומתו.  {ס}
יז לא תטה, משפט גר יתום; ולא תחבול, בגד אלמנה.  יח וזכרת, כי עבד היית במצריים, ויפדך יהוה אלוהיך, משם; על-כן אנוכי מצווך, לעשות, את-הדבר, הזה.  {ס}
יט כי תקצור קצירך בשדך ושכחת עומר בשדה, לא תשוב לקחתו--לגר ליתום ולאלמנה, יהיה:  למען יברכך יהוה אלוהיך, בכול מעשה ידיך.  {ס}
כ כי תחבוט זיתך, לא תפאר אחריך:  לגר ליתום ולאלמנה, יהיה.  כא כי תבצור כרמך, לא תעולל אחריך:  לגר ליתום ולאלמנה, יהיה.  כב וזכרת, כי-עבד היית בארץ מצריים; על-כן אנוכי מצווך, לעשות, את-הדבר, הזה.
Diposting oleh di

Tidak ada komentar:

Posting Komentar

Langganan: Posting Komentar (Atom)